Արևմտյան դպրոց-պարտեզի նախակրթարանում թթուդրիկի ծեսն է:
Ծեսի կարևոր մաս է կազմում խնոցին:Խնոցին պատրաստելուց հետո ավելի հեշտ դարձավ սաներին բացատրել,խաղացնել խնոցու խաղը և ի վերջո պարզել թե ինչ կարող ենք ստանալ խնոցու շարժումից:
Խնոցու ներկայությունը հետաքրքրություն առաջացրեց 5 տարեկանների մոտ և նրանք իրենց դասվար ընկ. Սրբուհու հետ այցելեցին մեզ:Օրը սկսեցինք խնոցու շուրջ խնոցի երգելով:
Նախակրթարանի երկու խմբերի սաները միասին նշեցին ծեսը:Նախակրթարանում հյուրընկալվել էին ՀՀ տարբեր շրջաններից կրթահամալիրում վերապատրաստում անցնող դաստիարակներ:Ծեսին ներկա էին նաև պարտեզ հաճախող սաների ծնողները:
Թթուդրիկի ծեսը սկսվեց պարուսուցմամբ:Պարեցինք,երգեցինք,խաղացինք այնուհետև յուրաքանչյուր խումբ անցավ իր թթու դնելու արարողությանը:
Ծանոթացանք բանջարեղեններին,համտեսեցինք,ծանոթացանք նրանց օգտակար հատկություններին,գույներին:Վերապատրաստվող դաստիարակների և ծնողների օգնությամբ բանջարեղեններով պատրաստեցինք տարբեր կերպարներ:Մեր ստեղծած կերպարներին տվեցինք անուններ:
Բանջարեղենները կտրատելուց հետո լցրեցինք մեծ դույլի մեջ և անհամբեր սպասում ենք թթվելուն:
Օրվա ծեսը ամբողջական դարձնելու համար,նախապես հորինել էինք զարգացնող խաղ:Սաներին խաղացնողի դերում էին հյուրերը և ծնողները:
Դրական տպավորություններով հրաժեշտ տվեցինք միմիանց: