Բարի լույս
8.45- 9.30 սաների դիմավորում և ընդունում
9.30 — 9.45 — Միջավայրի խնամք
9:45 — 10:00 — <<Բարևախաղ>>
- Սաները կանգնում են շրջանաձև:Նրանցից մեկն էլ սկսում է խաղը:Աջ ձեռքով թույլ հարվածում է իր աջ կողքին կանգնած երեխայի ձախ ձեռքին և տալով ընկերոջ անունը`բարի լույս է մաղթում`նշելով իր անունը:
10:00-10:30 -Օրացույց
Նոյեմբերի վերջին շաբաթում սաների հետ պատրաստեցինք Ամանորյա կերպարներով օրացույց:Դեկտեմբերի 1-ից մինչև Ամանոր ամեն օր մի պատկեր հանելով հաշվելու ենք,թե քանի օր մնաց Նոր տարվան:
Օրացույցի ամեն մի պատկերի տակ ամրացված են Ձմեռ պապիկի ցանկությունները:Տվյալ օրվա պատկերը հանելով բացում ենք նաև դրա տակ գտնվող Ձմեռ պապիկի ցանկությունը:
Օրինակ` ըստ օրացույցի խմբասենյակում հայտարարում ենք <<Թարս օր>>…
Հագուստը,հողաթափերը դառնում են թարս:Անգամ քայլելը,խոսելն է դառնում թարս ….
Ամեն օր հանելով օրացույցի պատկերը պետք է կատարենք Ձմեռ պապիկի այդ օրվա ցանկությունը:
Եվ այսպես մինչև Նոր տարի…
10.30- 11.00 նախաճաշ
11.00 — 12.00 աշխատանքային գործունեություն’
- Օր առաջին-Ամանորյա կերպարների ստեղծում
- Օր երկրորդ- Կախազարդերի ստեղծում (զարդարում ենք մեր բակի տոնի ծառերը )
- Օր երրորդ- Չարխափանների պատրաստում ընկույզի կեղևով
- Օր չորրորդ- Պատրաստում ենք Ամանորյա տոնական գլխարկներ,որը սաները կկրեն Ամանորյա միջոցառման ժամանակ:
- Օր հինգերորդ- Թխում ենք տարեգաթա…
Սաները ալյուրը մաղում են խմոր անելու համար և արտասանում.
Ձյունի սպիտակ ալյուր մաղեմ,
Բերք-բարիքի տարի լինի:
Անուշ-անուշ խմոր շաղեմ,
Արտս ցորեն-գարի լինի
Կլոր, կարմիր գաթա թխեմ,
Թող թխածս բարի լինի
Ամանորյա երգերի ունկնդրում,կատարում,պարերգի ուսուցում
Շաբաթվա երգերը` — «Զար զընգը», «Համով,հոտով տոնածառ», «Փաթիլներ»,
«Բասեն բարի»
Մարգարիտա Հեքիմյան 